சென்னை வேளச்சேரி
தீபம் அறக்கட்டளையின்
2020 ஆங்கில புத்தாண்டு வாழ்த்துக்கள்
தீபம் அறக்கட்டளையின் ஆன்மநேய அறப்பணிகளுக்கு,
தொடர்ந்து மாதந்தோறும்
வாரி வழங்கும் கொடை வள்ளல்களுக்கும்,
பொருட்களை அருளாக மாற்றும் ஜீவகாருண்ய தயவாளர்களுக்கும்,
தீபம் அறக்கட்டளையின் வளர்ச்சிக்கு சக்கரமாய் சுழன்று கொண்டிருக்கும் ஆடுகின்ற சேவடிகளுக்கும்,
சன்மார்க்க உடன்பிறப்புக்களுக்கும்,
தீபம் அறக் கட்டளையின் நலம் விரும்பிகளுக்கும்,
உலகம் முழுவதிலும் நடைபெறும் உலக தர்மச் சாலைகளுக்கும்,
தீபம் கல்வி நிலையத்தில் பயின்ற மாணவ மாணவிகளுக்கும்
மற்றும்
தீபத்தின் நிர்வாகிகள் அனைவருக்கும்
தீபம் தனது உளம்கனிந்த புத்தாண்டு வாழ்த்துக்களை தெரிவித்துக் கொள்வதில் மகிழ்ச்சி அடைகிறது.
புதிய புத்தாண்டில் அனைவரும் வளமும், நலமும் நிறைந்து சீரும் சிறப்புமாக வாழவும்,
இயற்கை சீற்றம் ஏற்படா வண்ணம்
எல்லா உயிர்களும் இன்புறவும்,
உலகில் பஞ்சம்,
பசி நீங்கி தர்மம் செழித்திடவும் இந்த 2020 புத்தாண்டு நன்னாளில்
எல்லாம் வல்ல அருட்பெருஞ்ஜோதி ஆண்டவரின் பாதம் பணிந்து தீபம் ப்ரார்த்திக்கிறது.
எல்லாம் வல்ல இறைவனிடம் தீபத்தின் பொதுப் பிரார்த்தனை:
ஆணவம் அடங்கி
அன்பு நிறைந்த புத்தாண்டாக...
அகங்காரம் ஒழிந்து
அடக்கமுள்ள புத்தாண்டாக...
ஒழுக்கம் மிகுந்து கருணையுள்ள புத்தாண்டாக...
பஞ்சம் போய் பசுமை காணும் புத்தாண்டாக...
உயர்வு தாழ்வு மனப்பான்மை போய் சமரசப் புத்தாண்டாக...
சோதனைகளையும் வேதனைகளையும் நீக்கும் சாதனை புத்தாண்டாக...
எல்லோரும் எல்லாவற்றையும் பெறும் புத்தாண்டாக...
பகுத்தறிவுடன் சிந்தித்து உண்மையை உணர்த்தும் புத்தாண்டாக...
ஒவ்வொருவரின் உள்ளத்திலும் ஆன்மநேயத்தை உணர்த்தும் புத்தாண்டாக...
சாதி சண்டைகளும் மத சண்டைகளும் நீங்கும் புத்தாண்டாக...
அதர்மத்தை அழித்து தர்மத்தை காக்கும் புத்தாண்டாக...
அனைவரது உள்ளத்திலும் இல்லத்திலும் தர்மமும் தொண்டும் நிறைந்த புத்தாண்டாக...
சத்திய வழியை காட்டும் நித்திய புத்தாண்டாக...
நிறைவும் நிம்மதியும் நிறைந்த புத்தாண்டாக...
அமைதியும் ஆனந்தமும் விளங்கும் புத்தாண்டாக...
மனிதகுல குற்றங்கள் குறைந்து, குற்றங்களே இல்லாத புத்தாண்டாக...
மனித இனத்திற்கு உண்டாகும் நோய்கள் குறைந்து, ஆரோக்கியமான புத்தாண்டாக...
தொழில் செய்வோர் தொழில் தர்மத்தை கடைபிடிக்கும் புத்தாண்டாக...
வீடும் நாடும் நலம் பெறும் புத்தாண்டாக...
மது மாமிசம் மறந்து மாமனிதர்களை வாழும் புத்தாண்டாக...
வீடு வளர நாடு வளர இளைஞர்கள் உற்சாகமாய் விசுவாசமாய் உண்மையாய் உழைக்கும் புத்தாண்டாக...
நம்மைச் சுற்றியுள்ள மனிதர்களை ஜாதி மதங்களை கடந்து மனித நேயத்தை வளர்க்கும் புத்தாண்டாக ...
உண்மையைச் சொல்லி நன்மையைச் செய்யும் புத்தாண்டாக...
மலரட்டும்...
விடியட்டும்...
ஒளிரட்டும்...
ஆங்கில புத்தாண்டை வரவேற்கும் அனைத்து அன்பு உள்ளங்களுக்கு மனம்நிறைந்த இனிய புத்தாண்டு நல்வாழ்த்துக்கள்.
எல்லா உயிர்களும் இன்புற்று வாழ்க!
வள்ளல் மலரடி வாழ்க! வாழ்க!
வாழ்க தருமம் !
வளர்க தருமம் !
தருமம் செய்வோம் !
தயவுடன் வாழ்வோம் !
என்றும் தயவுடன்...
தீபம் பாலா
நிறுவனர்
தீபம் அறக் கட்டளை
சென்னை வேளச்சேரி
தீபம் தருமச் சாலைக்கு பசியோடு தேடி வருபவர்களுக்கு ஜாதி மதங்களை கடந்து ஆன்ம நேயத்தோடு பசி தீர்க்கும் அன்ன ஆலயமாகவும்...
தீபம் பசித்தவர்களைத் தேடிச் சென்று பசியாற்றி வைக்கும் நடமாடும் தருமச்சாலையாகவும்...23 ஆண்டுகளாக...
... விரைவில் 25வது வெள்ளிவிழா ஆண்டை நோக்கி...
வாருங்கள் ஒன்றாய் கூடுங்கள்.
பட்டினியில்லா பாரதம் படைப்போம்...
