Sunday, 6 January 2019

05.01.2019 - மார்கழி மாத பனிக்குளிரில் நடுங்கும் சென்னை மாநகர சாலையோரத்தில் படுத்து உறங்கும் ஆதரவற்றவர்களுக்கு போர்வைகள் போர்த்தி மகிழ்விக்கும் நிகழ்வு











திருஅருட்பிரகாச வள்ளல்பெருமான் பெருங்கருணையுடன் சென்னை வேளச்சேரி தீபம் அறக்கட்டளையின் சார்பில் மார்கழி மாத பனிக்குளிரில் நடுங்கும் சென்னை மாநகர சாலையோரத்தில் படுத்து உறங்கும் ஆதரவற்றவர்களுக்கு போர்வைகள் போர்த்தி மகிழ்விக்கும் நிகழ்வு

சென்னை வேளச்சேரி தீபம் அறக்கட்டளையின் சார்பில் தொடர்ந்து பத்தாம் ஆண்டாக சென்னை மாநகர் வேளச்சேரி, ஆலந்தூர், ஆதம்பாக்கம், கிண்டி, தரமணி ஆகிய பகுதிகளில் உள்ள இரயில் நிலையம், பஸ் நிலையம் மற்றும் சாலையோரங்களில் மார்கழி மாத கடுங்குளிரில் பரட்டை தலையுடன் சுருண்டு படுத்து உறங்கும், ஆதரவற்றவர்களை வறியவர்களை தேடிச் சென்று நேற்று (05-01-2019) நள்ளிரவு 12-30 மணி முதல் இன்று (06-01-2019) அதிகாலை 4-30 மணிவரை போர்வைகளை போர்த்தி சிறப்பு அன்னம் தந்து மகிழ்வித்த அற்புதமான காட்சியை படத்தில் காணுங்கள்.

இந்த அருட் பணிக்கு  நிதியாகவும், போர்வைகளாகவும் வாரி வழங்கிய தயவாளர்களுக்கு,
அருளாளர்களுக்கு, தீபம் அறக்கட்டளை நெஞ்சம் நிறைந்த நன்றியினை தெரிவித்துக்கொள்கிறது.

இந்நிகழ்வில் போர்வைகள் மட்டுமல்லாது, பசியால் படுத்து இருந்தவர்களுக்கு  உணவு தந்து காலை 3 மணி அளவிலும் 4 மணி அளவிலும் பசியோடு அவர்கள் உணவை எடுத்துக்கொண்ட காட்சி நெஞ்சை நெகிழ வைக்கிறது.
எண்ணற்ற ஆதரவற்றவர்கள் உணவை எடுத்துக்கொண்ட விதம், அவர்கள் முதல் நாள் இரவு உணவை சாப்பிடவில்லை அல்லது முதல் நாள் இரவு அரைவயிறு உணவோடு படுத்து இருக்கிறார்கள்  என்பதை உணர முடிகிறது.

இந்த அற்புதமான அருட்பணியில் தீபம் அறக்கட்டளையின் நடமாடும் தருமச் சாலை வாகனத்தில் 22 சேவடிகள் இரவு முழுவதும் கண்விழித்து இந்த அற்புத சமுதாயப் பணியை செய்திருக்கிறார்கள். அவர்களை தீபம் வணங்கி வாழ்த்தி மகிழ்கிறது.

தொண்டு செய்வோம் !
ஆனந்தமாய் வாழ்வோம் !

எல்லா உயிர்களும் இன்புற்று வாழ்க!
வள்ளல் மலரடி வாழ்க! வாழ்க!

தீபம் அறக்கட்டளை
சென்னை வேளச்சேரி
-இது ஓர் அரசு பதிவு பெற்ற சமுதாய அற தொண்டு நிறுவனம்

அறக்கட்டளையின் அறப்பணிகளுக்கு நன்கொடை அளிக்க விரும்புவோர், தொண்டு செய்ய விரும்புவோர் தொடர்புக்கு;
9444073635

05.01.2019 - தீபம் அறக்கட்டளையின் சன்மார்க்க சொற்பொழிவு









சென்னை வேளச்சேரி தீபம் அறக்கட்டளையின் சார்பில் மாதாந்திர முதல் சனிக்கிழமை சன்மார்க்க சொற்பொழிவு நேற்று (05-01-2019) மாலை 6-30 மணியளவில் 13 மாத சொற்பொழிவாக சாகாவரமளிக்கும் சுத்த சன்மார்க்கம் என்கிற தலைப்பில் விருகம்பாக்கம்  சன்மார்க்க முரசு தயவுமிகு இராஜவேல் அவர்கள் உரையாற்றினார்கள். திரளான அன்பர்கள் கலந்து கொண்டு சிறப்பித்தனர். தொடர்ந்து பசியாற்றுவித்தல் நடைபெற்றது. கலந்து கொண்ட அனைவருக்கும் தீபம் தனது மனமார்ந்த நன்றியை தெரிவித்துக் கொள்கிறது.

அடுத்த மாதம் முதல் சனிக்கிழமை சொற்பொழிவு நடைபெறும் நாள்: 02-02-2019(சனிக்கிழமை)
தலைப்பு: வள்ளல்பெருமான் பெற்ற பெருவெளி

உரை நிகழ்த்துபவர்:
மலைகளின் தென்றல், இயற்கை மூலிகைகளின் தங்கம், கள்ளக்குறிச்சியின் சன்மார்க்க சிங்கம்
தயவுமிகு பொதிகைப் ப்ரியன் (எ) கிருஷ்ணமூர்த்தி அவர்கள்
கள்ளக்குறிச்சி

அனைவரும் வருக!
அருளமுதம் பெறுக!

Saturday, 5 January 2019

05.01.2019 - வாழ்த்துக்கள் ! வாழ்த்துக்கள் !! வாழ்த்துக்கள் !!!

இன்று நள்ளிரவு 12 மணிக்கு மேல் மார்கழி மாதம் குளிரில் போர்வை இல்லாமல் சாலையோரங்களில், பஸ் நிறுத்தங்களில், பாலங்களுக்கு அடியில், ஆதரவற்று படுத்து உறங்கும் ஏழைகளுக்கு தீபம் அறக்கட்டளை, போர்வைகளை போர்த்தி விடியற்காலை 5 மணி வரை இந்த அற்புத சமுதாய நிகழ்வு நடைபெற உள்ளது. இந்த தெய்வீக பணியில் தீபம் அறக்கட்டளையின் வேண்டுகோளை ஏற்று, கீழ்கண்ட அருளாளர்கள் போர்வைகளும் நிதியும் வழங்கியிருக்கிறார்கள்.

1)சிந்துஜா அவர்கள் 40 போர்வைகள்
2) V ஜானகிராமன் அவர்கள் 20 போர்வைகள்
3) ஆத்ம ஞான யோகாவின் ஆசிரியர் ராஜாராம் அவர்கள் ஆயிரம் பொற்காசுகள்
4)TAFE நிறுவனத்தின் லட்சுமி நாராயணன் அவர்கள் ஆயிரம் பொற்காசுகள்
5) திருநெல்வேலி சசிதரன் ஐயா அவர்கள் ஆயிரம் பொற்காசுகள்

வஸ்திரதானம் ரோக நிவாரணம் என்று சொல்வார்கள் அப்படிப்பட்ட  அருட்பணியில் தெய்வீக பணியில் நிதியாகவும் போர்வைகளாகவும் அள்ளிக்கொடுத்த வள்ளல்களை அருளாளர்களை மாமனிதர்களை  தீபம் அறக் கட்டளை மனதார உளமார வாயார வாழ்த்தி மகிழ்கிறது.

வாழ்க தங்களுடைய தர்ம குணம் !
வாழ்க தங்களுடைய அன்பு குடும்பம்!
வாழ்க தங்களுடைய சந்ததிகள் !
எல்லா வளங்களும் நலங்களும் பெற்று நீடூடி வாழ்க என்று தீபம் வாழ்த்தி மகிழ்கிறது.

வாழ்க தர்மம்
வளர்க தர்மம்

தர்மம் செய்வோம் தயவுடன் வாழ்வோம்

தீபம் அறக்கட்டளை சென்னை வேளச்சேரி
-இது ஓர் அரசு பதிவு பெற்ற சமுதாய அற தொண்டு நிறுவனம்
🙏🙏🙏🙏🙏🙏🙏🙏🙏🙏

04.01.2019 - அரிசி உதவி

திருஅருட்பிரகாச வள்ளல்பெருமான் பெருங்கருணையினால் சென்னை வேளச்சேரி தீபம் அறக்கட்டளையின் சார்பில் சென்னை அயனாவரத்தை  சேர்ந்த மாற்றுத்திறனாளி பாலசந்தர்  குடும்பத்தினரின் எதிர்கால வாழ்வாதாரத்தை கருத்தில் கொண்டு  கடந்த 8 ஆண்டுகாலமாக மாதந்தோறும் 25Kg அரிசி (1 சிப்பம்)  மற்றும் மளிகை பொருட்கள் இன்று வழங்கப்பட்ட காட்சி.


Friday, 4 January 2019

04.01.2019 - அரிசி உதவி

திருஅருட்பிரகாச வள்ளல்பெருமான் பெருங்கருணையினால் சென்னை வேளச்சேரி தீபம் அறக்கட்டளையின் சார்பில் சென்னை அயனாவரத்தை  சேர்ந்த மாற்றுத்திறனாளி பாலசந்தர்  குடும்பத்தினரின் எதிர்கால வாழ்வாதாரத்தை கருத்தில் கொண்டு  கடந்த 8 ஆண்டுகாலமாக மாதந்தோறும் 25Kg அரிசி (1 சிப்பம்)  மற்றும் மளிகை பொருட்கள் இன்று வழங்கப்பட்ட காட்சி.


04.01.2019 - மருத்துவ உதவி

சென்னை வேளச்சேரி தீபம் அறக்கட்டளையின் சார்பில் சென்னை பம்மல் அனகாபுத்தூரை டில்லிபாய் அவர்களின் மகன் சேகர் என்பவரின் டயாலிஸிக் மருத்துவ உதவியாக  கடந்த 6 ஆண்டுகாலமாக மாதந்தோறும் ₹5000/- நிதியுதவி இன்று வழங்கப்பட்ட காட்சி.



வாழ்க தர்மம் 
வளர்க தர்மம்

தர்மம் செய்வோம் தயவுடன் வாழ்வோம்

தீபம் அறக்கட்டளை
-இது ஓர் அரசு பதிவு பெற்ற சமுதாய அற தொண்டு நிறுவனம்

Tuesday, 1 January 2019

2019 ஆம் ஆண்டு மாத பூசம் - ஞானசபை நாட்குறிப்புகள்

வடலூர் ஞானசபை மாத பூச நாட்குறிப்பு 


2019 - வள்ளல்பெருமான் புகைப்படத்துடன் கூடிய தினசரி காலண்டர்

உள்ளத்திலும் இல்லத்திலும் வள்ளல்பெருமான் அருளாட்சி புரிய
திருஅருட்பிரகாச வள்ளல்பெருமான் புகைப்படத்துடன் கூடிய 2019-ம் ஆண்டு விலையில்லா தினசரி காலண்டர்  சென்னை வேளச்சேரி தீபம் அறக்கட்டளையின் சார்பில் அச்சாகி தயாராக உள்ளது.




சென்னையில் உள்ள தீபம் நன்கொடையாளர்கள் மற்றும் சன்மார்க சங்கங்களுக்கு காலண்டர் தேவைப்படுவோர்

நித்ய தீப தருமச்சாலை
7/8, புத்தேரிக்கரை தெரு
வேளச்சேரி, சென்னை

என்ற முகவரியில் வந்து நேரில் பெற்றுச் செல்லலாம்.

அனைத்து தீபம் நிர்வாகிகள் மற்றும் சேவடிகள் உடனே அழகிய காலெண்டரை பெற்றுச்செல்லுமாறு அன்போடு  வேண்டுகிறோம்.

வாழ்த்துக்களுடன்
தீபம்

2019 - காலெண்டர்

தீபத்தின் அழைப்பை ஏற்று அசுர வேகத்தில் காலெண்டர் பணியை முடித்துத்தந்த 16 சேவடிகளுக்கும், தலைமை ஏற்று 
காலெண்டர் பணியை வருடந்தோறும் செவ்வனே செய்யும் தயவு நாராயணமூர்த்தி அய்யா அவர்களுக்கும் தீபம் நன்றியினை பதிவு செய்கிறது.



அருட்பெருஞ்ஜோதி அருட்பெருஞ்ஜோதி தனிப்பெருங்கருணை அருட்பெருஞ்ஜோதி

சென்னை வேளச்சேரி திடீரென ஏற்பட்ட தீ விபத்தில் குடிசை முழுவதும் எரிந்து சாம்பலாகி விட்ட நிலையில் திருமதி சுமதி அவர்கள் உதவி வேண்டி  விண்ணப்பித்திருந்தார்.

அந்த விண்ணப்பத்தை ஏற்று தயவு C பிரபாகரன் அவர்கள் புதிய ஒரு பீரோவை தந்து உதவி இருக்கிறார். 
அவரை தீபம் வணங்கி வாழ்த்தி மகிழ்கிறது. 




வாழ்க அவருடைய தர்ம குணம் !
வாழ்க அவருடைய அன்பு குடும்பம் !
வாழ்க அவருடைய சந்ததிகள் !

எல்லா வளங்களும் நலங்களும் பெற்று இன்புற்று வாழ்க என்று தீபம் வாழ்த்தி மகிழ்கிறது !

வாழ்க தர்மம் ! வளர்க தர்மம் !

தர்மம் செய்வோம் !!!
தயவுடன் வாழ்வோம் !!!

திருச்சிற்றம்பலம்

தீபம் அறக் கட்டளை
சென்னை வேளச்சேரி

-இது ஒரு அரசு பதிவு செய்யப்பட்ட சமுதாய தொண்டு அற நிறுவனம்

மார்கழி விடியலின் சிறப்பு!

“மாதங்களில் நான் மார்கழியாக இருக்கின்றேன்” என பகவான் கிருஷ்ணர் சொல்கிறார். மார்கழி மாதம் வந்ததும் விடியற்காலையில் எழுவதும், குளிப்பதும், வாசலில் கோலமிடுவதும், திருப்பாவை, திருவெம்பாவை பாடுவதும், பல கோயில்களில் பக்தி பாடல்களை ஒலிப்பெருக்கியில் ஒலிக்கச் செய்வதும், சபரி மலைக்கு செல்லும் பக்தர்களின் சரணகோஷம் விண்ணைப் பிளக்கும் படியும் இருக்கும். மார்கழி மாதம் விடியலில் எழுவதும் இறைவனை தொழுவதும் நன்மை பயக்கும். இதில் சந்தேகம் வேண்டாம். இயேசு நாதர் பிறந்ததும் இந்த மாதத்தில் தான். அவர் வழி நிற்போறும் கிறிஸ்துமஸ் புத்தாண்டு விழா எடுப்பதும் மார்கழி மாதம் தான்.




விடியற்காலை எழுவது இந்த மாதத்தின் சிறப்பு என்றாலும், இந்த மாதம் வந்தால் சிலர் விடியலில் விழித்து எழவேண்டிய அவசியம் இருப்பதில்லை. காரணம் அவர்கள் இரவில் உறங்குவதில்லை. சாலையோரத்தில், பஸ் நிறுத்தங்களிலும், இரயில் நிறுத்தங்களிலும்,  சாக்கடை மூடிகள் மீதும், கடை படிகட்டின் மீதும், முழங்காலை தலையில் தொடுமளவு மடக்கி, ஆறடி உயரமுள்ள மனிதன் மூன்றடியாகி நைந்து போன சின்ன ஒரு அழுக்கு துணியால் தேகமெல்லாம் மூடி குளிரில் நடுங்கி சுருண்டு கிடப்பதால் தூக்கம் வருவதில்லை. இவர்களின் மார்கழி மாத விடியல் இப்படித்தான் விதிக்கப்பட்டுள்ளது.

கடையேழு வள்ளல்கள் வாழ்ந்த நமது நாட்டில், அதில் ஒருவனான “பேகன்” எனும் அரசன், குளிரால் நடுங்கிக் கொண்டிருந்த ஒரு மயிலுக்கு தான் போர்த்தியிருந்த விலையுயர்ந்த போர்வையை எடுத்து அதற்குப் போர்த்தி அதன் குளிரைப் போக்கி, அது ஆடதொடங்கியதை கண்டு மகிழ்ந்தான், என்பதை சங்ககால பாடல் கூறுகிறது.

மார்கழி மாத குளிரில் நடுங்கிகொண்டே பாதி உறக்கத்திலிருப்பவர்களை பாதி இரவில் எழுப்பி, இதுவரை 6000 போர்வைகளை வழங்கியுள்ளது சென்னை, வேளச்சேரியில் இயங்கும் தீபம் அறக்கட்டளை. 

கடந்த வருடம் போர்வைகள் வழங்கிய புகைப்படங்களை காண:

ஒரு போர்வை கொடுத்தற்கே  அந்த “பேகன்” எனும் அரசனை ஓராயிரம் ஆண்டுகளாக பேசி வியக்கும் நாம், இந்த 6000 போர்வையை போர்த்திய தீபம் நன்கொடையாளர்களை ஒரு கோடி ஆண்டுகட்கு போற்றியே ஆகவேண்டும் அல்லவா? இப்பணி தொடர இந்த மார்கழி மாதம் என்ன செய்ய நினைக்கிறீர்களோ அந்த பரோபகாரம் மட்டுமே சன்மார்க்க சங்கத்தவர் விழைவு. முற்றிலும் வித்தியாசமான மாற்றத்துடன் சிறக்கட்டும் மார்கழி விடியலின் சிறப்பு.

மார்கழி மாத குளிரில் வாடும் வறியவர்களுக்கு போர்வை, கம்பளம் தந்து புண்ணிய பலன் விரும்புவோர் தீபம் அறக்கட்டளைக்கு நன்கொடை தந்து உதவலாம்.

நன்கொடையளிக்க http://deepamtrust.org/donate-now/

---
K N உமாபதி
மூத்த சன்மார்கி
கே.கே.நகர்
தீபம் அறக்கட்டளை
9444073635 / 044 2244 2515

தீபம் அறக்கட்டளையின் சேவைகளை மின்னஞ்சல் (email) ஆக பெற Google குழுவில் இணைய இந்த link ஐ click செய்து apply membership மற்றும் apply to join this group என click செய்யவும். https://groups.google.com/d/forum/deepam-trust


05.01.2019 - மாதாந்திர சிறப்பு சன்மார்க்க சொற்பொழிவு.

சென்னை வேளச்சேரி தீபம் அறக்கட்டளையின்  நித்ய தீப தருமச்சாலையில்
மாதாந்திர முதல் சனிக்கிழமை சிறப்பு சன்மார்க்க சொற்பொழிவு.



நாள்: 05-01-2019
நேரம்: மாலை 6-00 மணிமுதல்
தலைப்பு: சாகாவரமளிக்கும் சுத்த சன்மார்க்கம்
உரையாற்றுபவர்: சன்மார்க்க முரசு. தயவுமிகு.இராஜவேல்ஐயா அவர்கள்

சொற்பொழிவு முடிந்தவுடன் அன்னதானம் நடைபெறும்.

சொற்பொழிவு நடைபெறும் இடம்:
நித்ய தீப தருமச்சாலை
7/8, புத்தேரிக்கரை தெரு
வேளச்சேரி, சென்னை-600042
(தண்டீஸ்வரம் சிவாலயம் கிழக்கு மாடத்தெரு)

குறிப்பு: நிகழ்ச்சி சரியான நேரத்தில் துவங்கவுள்ளதால் அனைவரும் முன்கூட்டியே வருகைதந்து  ஒத்துழைப்பு நல்கிட வேண்டுமாய் அன்புடன் வேண்டுகிறோம்.

அனைவரும் வருக...
அருளமுதம் பெறுக...

சொற்பொழிவு காணொளி காட்சிகளை பார்க்க
கிளிக் https://www.youtube.com/playlist?list=PLrkRHL2JihqWt6O2e_mB3dxQc7LViFjrd


---
அன்புடன் அழைக்கும்...
உங்கள் வேளச்சேரி
தீபம் அறக்கட்டளை
9444073635
04422442515
www.deepamtrust.org

05.01.2019 - மார்கழி மாத பனிக்குளிரில் நடுங்கும் சென்னை மாநகர சாலையோரத்தில் படுத்து உறங்கும் ஆதரவற்றவர்களுக்கு போர்வைகள் போர்த்தி மகிழ்விக்கும் நிகழ்வு

திருஅருட்பிரகாச வள்ளல்பெருமான் பெருங்கருணையுடன் சென்னை வேளச்சேரி தீபம் அறக்கட்டளையின் சார்பில் மார்கழி மாத பனிக...